ہے جستجو کہ خوب سے ہے خوب تر کہاں

غزل · منتخب اشعار · 8 اشعار

اب ٹھہرتی ہے دیکھیے جا کر نظر کہاں

یا رب اس اختلاط کا انجام ہو بخیر

تھا اُس کو ہم سے ربط مگر اس قدر کہاں

اک عمر چاہیے کہ گوارا ہو نیشِ عشق

رکھی ہے آج لذتِ زخمِ جگر کہاں

بس ہو چکا بیاں کسل و رنجِ راہ کا

خط کا مرے جواب ہے اے نامہ بر کہاں

مولانا الطاف حسین حالیؔ

مکمل کلام

ہے جستجو کہ خوب سے ہے خوب تر کہاں

اب ٹھہرتی ہے دیکھیے جا کر نظر کہاں

یا رب اس اختلاط کا انجام ہو بخیر

تھا اُس کو ہم سے ربط مگر اس قدر کہاں

اک عمر چاہیے کہ گوارا ہو نیشِ عشق

رکھی ہے آج لذتِ زخمِ جگر کہاں

بس ہو چکا بیاں کسل و رنجِ راہ کا

خط کا مرے جواب ہے اے نامہ بر کہاں

کون و مکاں سے ہے دلِ وحشی کنارہ گیر

اس خانماں خراب نے ڈھونڈا ہے گھر کہاں

ہم جس پہ مر رہے ہیں وہ ہے بات ہی کچھ اور

عالم میں تجھ سے لاکھ سہی تو مگر کہاں

ہوتی نہیں قبول دعا ترکِ عشق کی

دل چاہتا نہ ہو تو زباں میں اثر کہاں

حالیؔ نشاطِ نغمہ و مے ڈھونڈتے ہو اب

آئے ہو وقتِ صبح رہے رات بھر کہاں

اس کلام کے منتخب اشعار پیش کیے گئے ہیں۔

تشریح

’ہے جستجو کہ خوب سے ہے خوب تر کہاں‘ انسان کی کبھی نہ ختم ہونے والی تلاش اور بہتر سے بہتر کی آرزو کا بیان ہے۔ ’دل چاہتا نہ ہو تو زباں میں اثر کہاں‘ میں بتایا گیا کہ دعا میں اثر دل کی سچائی سے آتا ہے۔

شاعر

1837 میں پانی پت میں پیدا ہوئے اور 1914 میں وہیں وفات پائی۔ سر سید احمد خان کے رفیق تھے۔ ’مسدسِ حالی‘ (مد و جزرِ اسلام) اور ’مقدمۂ شعر و شاعری‘ نے مسلمانوں کی بیداری اور اردو تنقید کی بنیاد رکھی۔

مولانا الطاف حسین حالیؔ کا مزید کلام

پستی کا کوئی حد سے گزرنا دیکھے

اسلام کا گر کر نہ ابھرنا دیکھے

مانے نہ کبھی کہ مد ہے ہر جزر کے بعد

دریا کا ہمارے جو اترنا دیکھے